У сучасным дзелавым свеце электронны дакументаабарот стаў неад'емнай часткай работы любой кампаніі. Але разам з выгодай прыходзіць і пытанне бяспекі: як пераканацца, што подпіс на дакуменце сапраўдны, а сам дакумент не быў зменены пасля падпісання?

Нацыянальны цэнтр электронных паслуг — афіцыйны аператар каранёвага і рэспубліканскага цэнтраў Дзяржаўнай сістэмы кіравання адкрытымі ключамі праверкі электроннага лічбавага подпісу Рэспублікі Беларусь (ДзяржСКАК) — прапануе новы анлайн-сэрвіс. Ён дазваляе хутка і бясплатна праверыць сапраўднасць электроннага лічбавага подпісу на любым дакуменце без усталёўкі складанага праграмнага забеспячэння.

Што правярае сэрвіс?

Праверка ЭЛП — гэта складаны крыптаграфічны працэс, які ўключае ў сябе некалькі ключавых этапаў:

• Цэласнасць дакумента: сістэма правярае, ці не быў зменены файл пасля таго, як яго падпісалі.
• Статус сертыфіката: правяраецца, ці сапраўдны сертыфікат подпісу на момант падпісання і ці не адкліканы ён.
• Цэпачка даверу: сэрвіс правярае ўвесь ланцужок сертыфікатаў, каб пераканацца, што подпіс выдадзены акрэдытаваным цэнтрам, які сведчыць.

Як карыстацца сервісам?

1. Зайдзіце на сайт сэрвісу - trust.e-pasluga.by.
2. Абярыце файл: перацягнеце дакумент у адмысловае поле на сайце або загрузіце яго праз стандартнае акно выбару файлаў.
3. Запусціце праверку: націсніце кнопку «Пачаць працэдуру праверкі».
4. Атрымайце вынік: праз імгненне вы ўбачыце вынік праверкі.

Сэрвіс падтрымлівае абодва распаўсюджаныя фарматы подпісаў:
Далучаны подпіс: калі подпіс захоўваецца ў самім файле дакумента.
Адлучаны подпіс: калі подпіс знаходзіцца ў асобным файле (звычайна з пашырэннем .sig). У гэтым выпадку неабходна загрузіць абодва файла: сам дакумент і файл подпісу.

Важна памятаць!

Сэрвіс дае інфармацыю аб статусе подпісу ў рэжыме анлайн і носіць выключна інфармацыйны характар . Ён дапаможа вам аператыўна выявіць патэнцыйныя рызыкі і прыняць рашэнне аб даверы да дакумента.

Правярайце подпісы контрагентаў і будзьце ўпэўненыя ў сапраўднасці вашых дакументаў!